Abstract:
Dwumadie yi hwɛ sɛdeɛ Akanfoͻ ada mmͻfra adi wͻ wͻ abɛbuo mu ne subampa a ɛsom
bo ma wͻn a wͻnam abɛbuo so de tete wͻn. Dwumadie yi ho abɛhia esiane sɛ,
nhwɛhwɛmu a ɛfa mmͻfra nteteɛ ho no animdefoͻ nhyɛɛda mfaa wͻn adwene nkͻͻ so ne
titire ne berɛ a yɛwͻ mu yi a akuokuo ahodoͻ kasa tia kwan a Abibiman fa so tea mmͻfra
no. Dwumadie yi pɛnsɛmpɛnsɛm Akanfoͻ mmɛ aduͻwͻtwe-nsia (86) mu na dii dwuma
yi. Menyaa mmɛ no bi wͻ nnwoma mu, sini mu na ɛbi nso firii amamfoͻ mede wͻn dii
dwuma no nkyɛn. Nnipa dodoͻ a mede wͻn dii dwuma no yɛ edu-nsia (16). Ade titire pa
ara ɛpue wͻ nhwehwɛmu yi mu ne sɛ, esiane adwene a Akanfoͻ wͻ fa mmͻfra ho no nti,
wͻtea wͻn wͻ suban ahodoͻ a wͻda no adi a wͻnnye ntom ho. Mpɛn pii no, yɛka ɛbɛ ho
asɛm a, adwene a ɛbɛ nnipa tirim ne anoteɛ ne amammerɛ. Meretwe nhwehwɛmufoͻ
adwene asi sɛ, wͻbɛtumi ayɛ ɛbɛ ho nhwehwɛmu wͻ pragematese, semantese ne sentase
kwanso. Yei bɛboa ama kasa no ho adesua nkͻgyina faako.
Description:
Mpɛnsɛmpɛnsɛmu dwumadie a ɛfiri Suapͻn ne fa a ɛhwɛ Akan-Nzema kasa ho
adesua so de kͻma “School of Graduate Studies”
Yei ne ahiadeɛ baako a ɛbɛma Suapͻn no ama me
Master of Philosophy
(Ghanaian Languages-Twi)
ɛwͻ University of Education, Winneba.
OBUBUO, 2021
