Akanfoɔ akɔmfodwom emu nsɛntitire.

Abstract

Dwumadie yi nnyinasoɔ ne sɛ, ɛbɛhwehwɛ nsɛntitire a ɛwɔ Akanfoɔ akɔmfodwom mu. Mehwɛɛ Tanɔ akɔmfodwom mu kasasuo ahodoɔ no na ɛde hunuu nsɛntitire ahodoɔ no bi yi too dwa. Sɛ obi bɛte biribi ase anaasɛ ɔbɛtumi akasa afa biribi ho wɔ abrabɔ mu a, kasasuo boa ma yɛnya saa nneɛma yi wɔ yɛbea ne akwan ahodoɔ bi so. Yei nti, dwumadie yi botaeɛ ankasa ne sɛ ɛde kasasuo bɛhwehwɛ nsɛm bi abɔseɛ wɔ Akanfoɔ akɔmfonnwom nsɛm binom mu. Megyinaa akenkan, nsrahwɛ ne nkɔmmɔtwetwe ahodoɔ so na ɛde hunuu sɛ, Akanfoɔ akɔmfodwom mu nsɛm de anigyeɛ, awerɛkyekyerɛ, nkanyan, ahosɛpɛ ne nkuranhyɛ brɛ ɛho atiefoɔ. Bio, Akanfoɔ akɔmfodwom mu nsɛm sane da amammerɛ ne amanneɛ, kasa, abakɔsɛm, amanyɔ, subanpa ne subanmmɔne ahodoɔ a ɛkɔkɔ so mpo ɛnnɛ mmerɛ yi no binom adi. Yei kyerɛ sɛ, Akanfoɔ akɔmfodwom mu nsɛm da abrabɔ ne asetena mu nsɛm adi pɛpɛɛpɛ sɛnea Akanfoɔ nnwom nkae no tumi kyerɛkyerɛ no.