Abstract:
Nhwehwɛmu yi yɛ nhwehwɛmu a ɔfa mbabun a wɔwɔ Sekunde na Takoradze hɔn
Mfantse kasa a wɔdze dzi dwuma wɔ hɔnho nkɔmbɔdzi mu ho. Nhwehwεmu yi dze
Praemari na sekendri mboanosεm dzii dwuma na ɔnam nyiyimu akwan a ogyina botae
do paaw ne nsɛnyianofo. Nhwehwɛmu yi no mboanosɛm kɛse noara fi ekuwekuw
nkɔmbɔtwetwe a nhwehwɛmufo no nye nsɛnyianofo no nyae. Nhwehwɛmu no kɔr do
nkurow anan a hɔn nyina wɔ Sekunde na Takoradze mansin ahorow no mu. Dɛm
nkurow ahorow yi nye Asamansudo, Ekuase, Efea – Kuma na Amanfol. Kurow kor
biara mu no, nsɛnyianofo baasa na nhwehwɛmufo no paaw hɔn wɔ hɔ. Ԑtseno –
pragmatsese tsiɔri nye tsiɔri a nhwenhwɛmufo no gyinaa do dze yɛɛ mboanosɛm no ne
mpɛnsapɛnsamu. Ↄdaa edzi wɔ mboanosɛm mpɛnsapɛnsamu no mu dɛ mbabun a wɔwɔ
Sekunde na Takoradze hɔ ntseasee ahorow a wɔdze Mfantse nsɛntɔw na nsɛmfua
ahorow bi nntse dɛ dza Mfantsefo nkaa no nyina gye to mu no na ansaana obi bɛtse hɔn
kasaa ase no, gyedɛ ɔka hɔn fɛkuw no ho. Ↄsanee daa edzi so dɛ dɛm kwan yi a wɔfa
do kasa yi ma wɔda nsew fi afofor so hɔn ho.
