Abstract:
Dwumadzi yi fa akyerԑw ahorow a ogu nyimpadua akwaa ho no no su, botae ahorow a
nyimpa binom dze kyerԑw ndzԑmba gu hↄn nyimpadua akwaa ho na nsunsuando a
nyimpadua akwaa ho akyerԑw yi dze ba. Adwenmusԑm anaa tiↄri ahorow ebien na
nhwehwԑmu dwumadzi yi gyina do; Van Leeuwen (2001) ne „Multimodal Discourse
Analysis Theory‟ no boaa ma mohwԑԑ su ahorow a akyerԑw a ↄwↄ nyimpadua akwaa
ho no fa na ne mpԑnsampԑnsam, Fairclough (1993, 2003) ne Critical Discourse Analysis
tsiͻri no so boae ma botae a binom dze kyerԑwkyerԑw ndzԑmba gugu hↄn nyimpadua
akwaa ho no daa edzi yie. Nhwehwԑmu yi kↄr do wͻ Efutu Mansin no kurowpͻn Simpa
(Winneba) mu. Kwan a mefaa do nyaa nsԑm dze yԑԑ mo nhwehwԑmu yi nye
nkↄmbↄtwetwe na nsԑm a motwee guu efir do. Menye nyimpa eduonu dzii dwuma yi
wↄ pԑpↄsif kwan do. Nhwehwԑmu yi dze too gua dԑ: dodowara a wↄkyerԑkyerԑw
ndzԑmba gugu hↄn nyimpadua akwaa ho gyina botae do. Obeye dԑ ebↄtwe abԑn obi na
ehu siantsir a ↄdze akyerԑw biribi egu no ho.
Description:
Mpԑnsampԑnsam dwumadzi a ofi Suapↄn ne fa a ↄhwԑ Akan-Nzema kasa ho adzesua
Do dze kԑma “School of Graduates Studies”
Iyi nye ehiadze kor a ↄbԑma Suapↄn no ama me Master
of Philosophy
(Ghanaian Language – Fante)
wↄ University of Education, Winneba.
