Abstract:
Nhwehwɛmu yi pɛnsapɛnsa mbɛbusɛm a ɔfa Mfantse a ɔka Kwa kasakuw a wɔka no wɔ Mfinimfin Mantɔw mu ekuafo ho a ɔdze Conceptual Metaphor Theory pia mpɛnsampɛnsamu no ekyir. Nhwehwɛmu yi pɛnsapɛnsa mbɛbusɛm a Mfantse ekuafo dze dzi dwuma wɔ hɔn kuayɛ mu, nsɛntsitsir a ɔda edzi wɔ mu na kasasu a ɔda edzi wɔ mbɛbusɛm no mu. Minyaa mboanosɛm no nyinara fii praemri na sɛkɛndri. Prarmri dze no menam nkɔmbɔtwetwe a menye me nsɛnyianofo no twetwee na mara me nyimdzee dɛ meyɛ Mfantsenyi a meka Mfantse kasa do. Sɛkɛndri mboanosɛm no so minyae fii mbuukuu ahorow mu. Nhwehwɛmu yi da no edzi dɛ Mfantsefo ekuafo wɔ mbɛbusɛm a ɔfa ekuayɛ ho; fitsi asaase do nsiesie, ekuadze no nduae, eduadzewa no ndɔwho, otwaber na no ntɔnee mu. Mboanosɛm no da no edzi dɛ dɛm mbɛbusɛm yi da Mfantsefo adwenmusɛm a wɔwɔ no wɔ ekuayɛ ho edzi. Nsɛntsitsir a ɔda edzi wɔ mu no bi nye abotar, edwumadzen, owurayɛ, nkabɔmu na dza ɔkeka ho. Kasasu ahorow a ɔda edzi wɔ dɛm mbɛbusɛm yi mu bi nye nsawɔwdo, sɛ-nyimpa, ntotoho, na adze. Nhwehwɛmu yi hwehwɛ dɛ no nhunmu no bɔboa dze nyimdzee aka nyimdzee a ɔwɔ wiadze mfɛndzenan nyinara mbɛbusɛm ho.
Description:
Nhwehwɛmu dwumadzi a medze ama esuapɔn yi ne fa a ɔhwɛ kasa ho adzesua do ne fa a ɔhwɛ Akan-Ndzema kasasua a ɔwɔ Simpa esuapɔn mu. Medze ama esuapɔn yi mu “School of Graduate Studies” so.
Oyi bɛka ho bi ma esuapɔn no ama me
“Master of Philosophy”
(Ghanaian Language Studies-Mfantse) abɔdzin
AYƐWOHO, 2021
