Akan kasa mmara ho nhyehyԑe a ԑfa ɔkyerԑfo ne annya anyԑ kyerԑfo ho

Abstract

Nhwehwɛmu yi botae titiriw ne sɛ ɛhwɛ ↄkyerɛfo ne annya anyɛ kyerɛfo wↄ Akan kasa mmara nhyehyɛe ho. Akan nso yɛ kasa a ɛka kwa kasakuw no ho bi. Akyerɛwfo dodow no ara na wᴐakyerɛw afa ᴐkyerɛfo ne annya anyɛ kyerɛfo ho nanso wᴐn adᴐ asukᴐ ankᴐ Akan ᴐkyerɛfo ne annya anyɛ kyerɛfo ho. Ne saa nti ebehia sɛ meyɛ nhwehwɛmu bi fa ᴐkyerɛfo ne annya anyɛ kyerɛfo ho wᴐ kasa mmara nhyehyɛe ho. Saah ne Antwi Danso kasa faa ᴐkyerɛfo ne annya anyɛ kyerfo wᴐ ne kasa ntease ne nsɛmfuayɛ mu de nanso wᴐaka biribi amfa ne kasa mmara a egyina ne dwumadi ne gyinabea ahorow ho wᴐ Akan kasa mu. Bio, mede x-bar ne ↄkasasin mmobↄe mmara (phrase structure rules); na mede yɛɛ adwenmusɛm maa nhwehwɛmu no, sɛnea ɛbɛboa me ama mahu ↄkyerɛfo ne annya anyɛ kyerɛfo gyinabea wↄ ↄkasamu ahorow mu. Afei mede nkↄmmↄtwetwe, radio ne kasamfonini so kasebↄ ne nhoma ahorow bi te sɛ “Ɔbↄfo ba Ampomaa ne “mehunuiɛ a anka” a de dii dwuma. Afei nso, mihuu sɛ ↄkyerɛfo yɛ asɛmfua anaa nsɛmfua ɛnna annya anyɛ kyerɛfo yɛ nsɛmfua, ↄkasasin anaa ↄkasamufa a ɛkyerɛkyerɛ adeyɛ ne nea ɛkekaho mu. Ɛsan daa adi sɛ Akan kyerɛfo no dodow ara yɛ edin na ebi tumi ti ne ho mu na afei wↄn dwumadi nti na frɛ wↄn sɛ ↄkyerɛfo. Bio, nsɛmfua biara nni hↄ a wogyina hↄ ma Akan annya anyɛ kyerɛfo sɛ yɛbenya asɛmfua bi a ebetumi agyina hᴐ ma annya anyɛ kyerɛfo a gye sɛ yɛde (DE) abata asɛmfua no ho ansa na yetumi de adi dwuma wᴐ ᴐkasamu mu, na eyi tae da ne ho adi wᴐ yɛbea annya anyɛ kyerɛfo ho. Ne nyinaa mu no, dwumadi yi bɛboa ayi sintᴐ a ɛwᴐ ᴐkyerɛfo ne annya anyɛ kyerɛfo ho sɛ Akan kasa mmara nhyehyɛe. Eyi nkamfua, ᴐkyerɛfo ne annya anyɛ kyerɛfo gu ahorow nanso Akan ↄkyerɛfo ne annya anyɛ kyerɛfo gu mu ahorow asia enonom ne; yɛbea anoden, beae, bere, akyinyegye\ampayɛ ne dodow. Nea mede wie ne sɛ Akan ↄkyerɛfo ne annya anyɛ kyerɛfo wↄ kasa mmara nhyehyɛe mu no da ne ho adi wↄ ne gyinabea ahorow ne dwumadi mu pa ara.