Akanfoɔ abԑbudeԑ mpԑnsԑmpԑnsԑmu a ԑgyina mɔfɔlɔgyi ne sentase nhyehyԑeԑ so

Abstract

Saa dwumadie yi yɛ nhwehwɛmu a ɛfa Akanfoc abɛbudeɛ ho. Nhwehwɛmu yi twee adwene sii mɔfɔlɔgyi ne sentase nhyehyɛeɛ ahodoɔ a ɛkɔ so anaa ɛda adi wɔ abɛbudeɛ ahodoɔ no mu. Dwumadie yi ma yɛhunuu sɛ, mɔfɔlɔgyi kwan so no, nsɛmfua nkabom, mmataho, nkakuho di dwuma titire wɔ mmɛ ahodoɔ no mu. Saa ara nso wɔ sentase fam no, mmɛ no bi tumi yɛ ɔkasamu tiawa, ɔkasamu tentene, ɔkasamufa, ɔkasamu mmɔho ne ade. Dwumadie yi de kwalitatifu na ɛyɛɛ adwuma. Nhwehwɛmu no kɔɔ so wɔ Asante mantam mu ne titire ne Ofinso Mansini, Manhyia Mansini ne Dwaben Mansini mu. Bio, nhwehwɛmufoɔ no gyee adwenkyerɛ no firii nnipa du-num nkyɛn. Dwumadie yi daa no adi sɛ nnyegyeeɛ no bi tumi hyɛ afoforɔ ma wɔbɛfa ne su wɔ fɔnɔlɔgyi kwan so. Afei, ɛrekame ayɛ nso sɛ mmɛ dodoɔ no ara yɛ ɔkasamu ntiawa. X-baa ne Item ne Arrangements tiɔri na ɔgyinaa so de sii agyinaeɛ ahodoɔ no.